اطلعت شمس العداله في وطن شبه الجزيرة قصيدة للشاعر سعيد المهداني



اطلعت شمس العدالة في وطن شبه الجزيرة

[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=1 align=center use=sp num=”0,#400000″”]
اطلعت شمس العداله في وطن شبه الجزيره = وغنت الورقاء بصوت يطّرب السامع لحنها
يا سلام الله سلام فيه خير وفيه خيره = للبلاد اللي شبيّه الام تعطينا لبنها
مهبط الدين السماوي والتواريخ الشهيره = درة ربي من أشرار البشر بأمره حصنها
لين جاها اللي خطبها ماتبي في الكون غيره = وأفرحت به وأفخرت به وفرشت لجله بدنها
الرجل لصار فكره جامع حنكه وغيره = دون داره ماتسمّع واحدٍ يأمر وينها
مثل ابو تركي معزي يوم جا يشعب يعيره = من كويت العز لرياض الفخر ماصد عنها
ساقها عبد العزيز وسدد الله في مسيره = من صعاطيره صليب الرأس مايكرب رسنها
لين دخّلها الرياض وسل سيفه من جفيره = والنفوس اللي تغطرس سيف ابو تركي دفنها
في نهار عجه الثائر جمع شره وخيره = والجنوب اللي تداحم ماعرف رمح طعنها
ساعة فيها الكفيف يقوم وعينونه بصيره = يسلك أدروب النجاة ويحمد الله لامكنها
جدد التاريخ نفسه والسعد صوّت بشيره = والبلاد اللي عفيفه دم طالبها ثمنها
فعل أبو تركي بعصره مثل فعل ابن المغيره = يوم قاد جيوش جند الله وعدوانه طحنها
المصوت يوم صوت وصل صوته كل ديره = عم في كل البلاد وسمع صوته من سكنها
وجمّع أشتات الوطن لو هي على غيره كبيره = وأنقذه من حالة من كان يذكرها لعنها
والأمن ساد البلاد وماتت النفس الحقيره = والفتن والعنصريه ولت وولا زمنها
وأصبحت قمة تطور في سَنواتٍ قصيره = الشواهد بينه في كل شبر من مُدنها
الحضارة في بلادي والعقول اللي منيره = ترسم الخطة وراء الخطة لجل ينهض وطنها
مثل أبو متعب نهضها نهضة الحر بمطيره = وعانقت شم السحاب اللي يرحب واحتضنها
عشت ياصقر العروبة ياشذا الدار وعبيره = يا شنار قلوب شعب ٍ حبك الصادق مكنها
يامليك ماتربع في سنام المجد غيره = كم نفوس حكمتك وسياستك طفت فتنها
لو نعدد في مزياك الكبيره والصغيره = جفت الاقلام لو البحر حبر ويحقنها
ماخسر من حط ابو خالد على الدنيا شويره = الامير اللي مزايا الطيب بفعوله ضمنها
قايد الجيش السعودي لاهرج صوت الذخيره = وصارت انفوس الرجال تبيعها برخص ثمنها
ينطح اكبر مشكله في الضيق ويصد المغيره = والبلاد يصونها من شامها حتى يمنها
رفرفي ياراية اهل العز في شبه الجزيره = ديرة ًيأمن بها منهو ظروفه زبنها
تحت حكم مسيسين الحكم بسيوف ٍ شطيره = عاشت بلاد السعودي والفخر فيها ومنها
مهبط الدين السماوي والتواريخ الشهيره = درة ربي من أشرار البشر بأمره حصنها[/poem][/CENTER]

الشاعر سعيد المهداني

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح