قصيدة للشاعر مجهار ال كناد



ويامل قلب كنه يصلاه صالي ضوّ
حطبها قرض وتهبها النود عصريه

جروح الزمن شيٍ قديمٍ وشيٍ توّ
جروحٍ تجي من كل صنفٍ ونوعيه

الي مدةٍ لي جو واصحابنا في جوّ
مادام العرب تمشي وكلٍ على نيه

فلا ياوجودي لابغيت الزمن يحلوّ
تغير طعمه وغيروه الحراميه

لياقدم الانسان حسنة ويجزى سوّ
مثل من يصب الماء على الحوض مجفيه

لكن ليت ماتفع ولاهي بتنفع لوّ
ياليتٍ ان في وجيه المقاريد ماريه

على شان نعرف راعي الطيب واللي هو
عن الطيب واهل الطيب سيرته عكسيه

خذينا تجاربنا من الوقت غصب وقوّ
تجارب زمن مافيه رحمه وماويه

وذقت الحياه اللي بليا حنان وبوّ
ومنها عرفت العز وأهل المحقريه

عرفت وتعرفنا على الناس كثر وشوّ
ولاينفعك لاأحترت الحيد موليه

يكون الصديق اللي تعده قريب وخوّ
ليا غبت ينشد عنك مع كل طرقيه

الشاعر/ مجهار حسن صعيب ال كناد


3 التعليقات

    1. 1

      قصيده جميله صح لسان شاعرها

      (0) (0) الرد
    2. 2

      اشكرك واهنيك على القصيده وصدقت فيها و هاذا واقع عند كثير من الناس الله يجنبنا واياك وكل مسلم المفسدين واصحاب النوايا السيئه ……واحب اوضح انها لايصدر الردى الا من اشخاص لم يفقوا الى الهدايه من خبث فيهم …قصيده طيبه من شخص يستحق من الاكرام شكرا

      (0) (0) الرد
    3. 3

      انشهد انها قصيده جزله بمعنى الكلمه
      وصح لسانك ونتطلع للقادم منك

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح