فكري تنقاها على جزل الالـفـاض
رعا الـوفـا والــعز حـاضر ومـاضي
محبــته بالـــروح و الــــود فــيــاض
للحـسد والا الـحقـد ماهو بفـاضي
اللي يخم القلب عــن كل الامــراض
عــــزم المــعــرفه قوتي و انتهاضي
ولا الجهاله صوتها تحت الانـقـاض
كحل القلم سيل خدود البيـاضـي
العين تسـهر يكفي العين غمـاض
ياليت للاشعار حـاكــم وقـاضــي
ما تستغل لاجل المصالح و الاغراض
احارب الباطــل واقـــول اعتراضي
والقلب ناصح روض الحرف رواض
ما كل شاعر في المواجيب حـاضـي
لو هو يوصف فالمعارك ولا خــاض
ماجيت ادور في سؤالي مقاضي
يكود من حال العرب حيل مغتاض
طال الزمن والخوف من الانقراضي
من زود هدر ادميها وسط الأحواض
ياخوفتي هالامر صار افتراضي
الذل يغشاهم قبل هتك الأعراض
مــاحد خــذا من ذلهم الاتعاضي
حتى غدا المقروض في حكم قراض
الجو يا لأصحاب بالشر لاضي
والسيل من رؤوس البراكين قد فاض
ماعاد فيها حكم يجيب التراضي
مادام لمع سيوفها ما بعـــد ناض
دام الليالي تاليتها المخاضي
الحق نوره لاظلم الكذب دحاض
ناصر آل جمان