[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=2 line=0 align=center use=ex num=”0,#400000″”]
لبيه يالحد الجنوبي وطاريه=وكريم يابرق سرى تالي الليل
حنت رعوده ثم هلت مناشيه =على عدو الحد تنشي هماليل
تنشي على راس العدو ثم تسقيه = شربة هماج وسطها السم والويل
مقاتلات الجو من فوق ترميه =والأرض تحته زلزلوها الحلاحيل
الحوثي اللي تايه الراي مغويه = تدبل له الضربه على الراس تدبيل
الحوثي المقرود يا ويش حاديه = لا والله اللي طاح طيحة هل الفيل
بقبضة هل العوجا ولاعاد يمديه = لو يعتزي ويصيح ماعاد له حيل
حكم عليه اللي من الكف معطيه = سلمان سلمان السعد والتهاليل
و قال الملا حاضر وطيب ولبيه =من دولة المغرب إلى شاطي النيل
والشعب وافي مايخيب هقاويه = معه معه ضد العدو يدبل الكيل [/poem]
الشاعر /سعيد بن سعد بن عمر