ياللـــه ياقاســـم الارزاق يالـوالــي = تعين نفســي على نفسي وتحماهـا
من زمرة الحاسدين ولاهب الصالي=ومن شرها والهمـوم اللي تـــولاهآ
مابين قرب الطموح/وبعد الامالــي= اسوق عيس الظنون وتقصر خطاهـا
ومابين بعد القريب/وقسوة الغالــي=وصدوف” الوقت يكتبها وانا اقراهــا!
اسوق هقواتــي بغبآت الاهوالــي=ويضيـــع عنوانهــا مادل مرسآهـــا
تخيب بعض الوجيه ولا انشغل بالي=ومقافي النـــاس مانيــب آتقفاهـــا
بعض المشآعر عجاج” فالخلا الخالي= يهـــب عاصوفهـــا والهجـر يذراهـــا
وبعض المشآعر سوات الغيث همالي=وشرهات فكري على ابياتي ومعناها!
اسوق من دلة الاحسـاس فنجالـــي=واغلا المخاليق بالوصـــل يتقهـواهـا
مالي ومال البشــر لا شفته قبالــي= ابيع كـــل الخلايـــق وآتناســاهـــا !
وان غاب عني يبين النقص في حالي=وسآعات وصله على نار آتحراهـــا .
لولآه م اتعبت هاجوسي بالأمثالــي=ولآبان نور المشآعـــر في محيآهـــا!
ولا فرحوا احبابي ولاغضت عذالــي=ولا اتعبت ناس” تعقد لي نواياهـــا .
ولاشلت من لهفة المرسال جوالي=ولآبعت ناس” كثير وضآعت اسماها!
ارخص له اغلا سنين العمر ما آبالي= فدوت عيونه من أولهــا ليا اتلاهـــا !
بس المهم انه اقرب لي من ظلالي= لو انه ابعد من الفرحه وطرياهــــا !
[/poem]
مشعل الشويش