لوكل مخلوق تفكيره كبر راسه= كان استحا فيل من تسحيب خرطومه
وماشفت لك ذيب يقوى لحظة نعاسه=الشاه تسرح وهو غرقان في نومه
والحر للخرب يصبح دوم مفراسه=وصار الهدد لرخم ياخوك والبومه
بعض الرجاجيل يقبل مالي لباسه=وعند الشدايد مايسوى قيمة هدومه
جبل وﻻ هب علمن راح قرطاسه=مخيال ثوب النسيم ايصفق اكمومه
لو المراجل تجي تعلوم و دراسه=كان العرب مابهم من ضيع سلومه
بعض الكرستال يلمع مثل اﻻلماسه=والمدرك اللي يقيم اول السومه
لكنا في وقتنا ذا ضاعة الطاسه=المال يجعل صغار عقول مخدومه
يالشيخ يالذرب كف الجود نبراسه=ياسهيل غيرك نقول نجوم مزعومه
هو به فقير البشر تشتاق مجﻻسه=اوقيل فيه النعم لوطابة علومه
ﻻصار فقر الرجل عيبه ومقياسه=اكيد كل الخصايل فيه معدومه
خطاه يصبح خطيئه حتى من ناسه=والتاجر استغفر الله روح معصومه
من وين فنجال فزعه يذهب عماسه=والفزعه دﻻلها قدام مخصومه
الحال خاطر حطب والمجتمع فاسه=وماينفخ الضو حظ اشفاه مشرومه
هو فيه عين عشان الحب عساسه=او قلب يخفق عشان قلوب مكلومه
يطيح شامخ قدر من قدر مياسه=بنت الصدر نبتت اﻻضﻻع مرحومه
رهف القوارير يكسر من قسا باسه=غرشة عطر بالخطر باحساس ملغومه
شطحت مدري قصيدي مل حباسه=ﻻقلت قفلت قافي ضاف معلومه
فرق الشعر شاعرن يشتب هوجاسه=للغير وهموم غيره مصدر همومه
وشاعر دموع الطفل ماتوقض احساسه=أغلى القصايد قصيدة تقضي لزومه
والنقد كدر زﻻله حقد بلاسه=أفواه تنقط عسل بكواب مسمومه
وخالف وتعرف تعيس اللي بنت ساسه= طموحه القاب لكن لقب العومه
ومن نظرته عند خشمه سيده ياسه=ومن ينظر بعيد حقق سيد احلومه[/poem]
مشعل الشايقي