قصيدة للشاعر والإعلامي مهدي مسفر الحبابي



[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=1 line=0 align=center use=ex num=”0,#400000″”]

دون هقوات المطاليق مابه مستحيل=بأمر من لأعز شخص ٍٍ بحكمه يرفعه
خالق ٍٍ ما فالبسيطه كثيره والقليل=معطي الإنسان رزقه ولا راد أمنعه
بعدها يا هاجس الشعر والمعنى جزيل=الهدف بين الكواكب وعند الله سعه
ودي أسولف وأقول الردي عكس الجميل=والكرم والبخل منفق وعكسه يجمعه
والشجاعة سيف والسيف ما شاله ذليل=والفقر عكس الغنى والحظوظ موزعه
الصبر والعزم والحلم والحكمة دليل=العقل والجاهل أقول يا الله تقلعه
ومن زعل من دون سبه ولو ضله ضليل=يشرب من الماء وعرفه لمن سامه بعه
والحياة أدروس في كل وقت لكل جيل=وان نصحك الوافي الذرب عن حجه طعه
النصيحة من هل العرف كنها سلسبيل=تسقي الظميان والكفو كفه تشبعه
ليتني في شجرة الشرق طولت المقيل=وليتني ببداية الغوص اعرف الاشرعه
ليتني قبل أتوهمك يا الدرب الطويل=كنت حاسب للمسافة ونوع الامتعه
كان ما عاتبت نفسي ولا ضاع الدليل=وكان حلم ٍٍ سلب مني قدرت ارجعه
سلب حلمي يا خساره بيومي كنه ليل=وغاب وجه النور والشيخ صعب ٍٍ تقنعه
وليتني قبل أسعف الحي ناقشت القتيل=القتيل اللي قتل قبل يكشف لأقنعه
إغدروه أهل الخيانة وصدقانه قليل=وأطيب أخوانه معه بس ما كنه بمعه
مستحيل أنساه لو غاب عني مستحيل=شامخ الهامة توفى قبل ما أودعه
دمع عيني بعد فقده على خدي يسيل= وخافقي بين الحنايا أهمومه تنزعه
موته اثر في خفوقي وأنا عابر سبيل=واشهد أن قتل الطموحات ضربه موجعه
القضية غامضة والصبر شي ٍٍ جميل=والمحامي لو تكلم من اللي يسمعه[/poem]

مهدي بن مسفر الحبابي


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح