الأسمري يرثي أمير السياسة



يالله يامن بامره الكاف والنون
ياواحداً كل الخلايق برجواه
**
ترفق بشعباً ينقل الحزن بعيون
على فقيداً مابنلقئ حلاياه
**
غيم الحزن غطى على كامل الكون
ساعة خبر موته تناما وفرقاه
**
خبر وفاة سعود ماياسعه كون
والهم خالجنا من اقصاه لاادناه
**
نبكيه مع شعباً ضحى العلم يبكون
والكل من هول الخبر قام ينعاه
**
مامات حي سعود لوصار مدفون
ولامات فيصل والملوك المسماه
**
ولاة الامر اللي بالافعال يوفون
مثل الوقود اللي له الروح تظماه
**
على كتاب الله وماكان مسنون
ونهجاً لنا ما نجهله وانتناساه
**
مرحوم يا أميراً به العز مرهون
ومحبته مايوم تنسئ وذكراه
**
كل الدول تنعاه باحساس وشجون
وتدعي له الرحمه وبالخلد سكناه
**
ودمعاً تهاما باح به كل مكنون
وأثر خبر موته على القلب واقصاه
**
امير السياسه راشد العقل موزون
داعي السلام وكل داراً اتمناه
**
وريث عزم ابوه منهج ومظمون
وحبل انتقوئ به على العسر وارشاه
**
حصنً متينً ينقل العزم بركون
وفي صالح الأمه سهر متعب اخطاه
**
عساه في جنات خلدا وممنون
منزال حقاً ياجده عند مولاه

#سعود_الفيصل_في_ذمة الله

كلمات الشاعر
سعيد بن عبدالله الأسمري


1 التعليقات

    1. 1

      صح لسانك يا ابوعبدالله ورحم الله الفقيد وتغمده بواسع رحمته

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح