الرأي - مضواح بن شتوي - الرياض
والله انه مايكدر خاطرك ويغثه
غير غلطة من تشوفه من مكانه حول
***
تحسب انه ماتغيره العلوم الرثه
ولايغير موقفه حتى الزمن لو طول
***
واكتشفت انه مثل عود كلته العثه
لين ولى مابقى شي عليه تعول
***
والمخاوي للدني من الرجال يحثه
لين يدنى لو هو اللي بالرفاع مهول
***
واحد لارافقك مثل التهاب اللثه
وواحد لارافقك مثل الشفا من الاول
***
والنحيف من البشر يمكن يطيح جثه
المظاهر خادعه ﻻيخدعك متسول
***
الله يقطع الردي اللي رداه يبثه
جعل زوله مايدوم وشوفته ماطول