الرأي - مضواح بن شتوي - الرياض
يالله ياللي كل نعمه علي فضلتها
انت مالي ملتجى الا انت ياسامع دعاي
***
البداية منك يالله وإليك المنتها
وكافل”رزقي من اول حياتي لي انتهاي
***
ياقوي الحيل نفسي إليك اوكلتها
يالطيف اللطف بحالي من اللي عاد جاي
***
القناعة عز نفسي وانا ماهنتها
لو يبيح كفي المال مابيح خفاي
***
اتنطح للمواجيب ماخيلتها
وحاذف”بالقل والهم والدنيا وراي
***
يوم غيري صد عن واجباته والتها
حي لاشك انه من صرفته ماهو بحاي
***
هيه ياللي تجمع اموال ماحللتها
بكره أتقسم لوراثتك من دون راي
***
ليت مالك عند من لا لطيبه منتها
واحد” ماقال للفقر قلل في عطاي
***
هيلع” طيبه طبيعه ولاهو بأبتها
لاوي”قلبه على الطيب تسعين الف لاي
***
غير ياصبري على ونة” جربتها
كل مذكر طيب” راح بيحتي عزاي
***
وإن تذكرت المداهيل والا شفتها
ضاقت الدنيا بعيني وزادت في عناي