النهـار اظـلـم بنـواً … رعوده .. قاصـفات
والسحاب الدهم … في مقدمه بان امطــره
****
يا الله .. في غيثاً مغيثاً .. مداقيله هبـات
كل وادي جف فيه الشـجر ، يحيي اشجـره
****
ينحـر الوادي بسيـله … على كل الجـهـات
ولا يخيب الوادي … اللي سيوله بنحـره
****
والبِيَر مـاها .. عـدودن قـراحــاً .. سـايغـات
كلـهـا … مـن فضــل ربي علينا ، يظــهــره
****
كم عطـانـا الله .. وربي كـريم الاعطيات
اصطفـانا … بين جمـع الخــلايق بخـبره
****
وارســل محمـد … نبي الهـداية .. والصــلاة
وانـزل القـرآن … واعـطــاه قـدره واكـبـره
****
ودلنـا للخــير … والباقيـات … الصـالحـات
والـذي يخـطـي … بـلا شــك ربي .. يســتره
****
لا تقول انك ليا اخطيت .. فات الامر فات
المهـم … انك من الذِّكـر … قلبـك تعمـره
****
كـم ذنـوباً نقترفـهـا .. وحـنّـا في .. سبـات
ولـو نتوب اليوم … مـن ذنـب ، ربي يغفـره
****
وان لجينا له … يحل الصعـاب .. المتعبـات
ما يمنّ اليا عطــانا … وفضـله …. ينشــره
****
جـلّ ربي فـوق عرشة .. وفـوق السمـوات
مطّلع … يعلم عملنا …. كبيره … واصغره
****
بعدها يا ناس .. عندي نصيايح ساميات
اسمعوها زين … والرجـل عقله .. يشهـره
****
الذي يبحث عن الحق … من قبل الممات
ذي رساله .. كان يعرف … يمينه .. وايسره
****
يا زبون الحق … خـذ من كـلام الله آيات
محكمـات …. يبصّـرن العقـول …. المنكـره
****
لا تطيـع اللي … يدلك لـدرب .. المهلكـات
ولا تطيع اللي .. يحدّك لاشده .. واعسـره
****
ولا تخـاوي … من يضيّع صـلاته .. والزكـاة
ولا تهـاون .. بالمعاصي … وذنبك .. تبـذره
****
ولا تمسّك بالردي ، ما من الخايب .. ثبات
ولا تخون … اللي يودك … وتطعن بظهره
****
وافعل المعـروف … والطيب ، مبـدا للحيـاة
كل معروفاً … تسويه … عينك … تبصره
****
والديك ! احـرص على برهم لو هـم رفات
والذي .. ما مـات منهـم .. حـذاري تحقـره
****
وانتبه لافكارك .. إن كانت افكارك شتات
لمّها .. في قالب الدين ، ثـوب .. المفخـره
****
الخوارج …. يشعلون الفتن …. بالامنيات
والجهل .. فيهم … ومن طاعهم … للمقبره
****
ما سلم من كيد الاعداء ، شباب ولا بنات
ولا بينجو … غير من خوف ربه … ينهره
****
يا شبـاب ! الـدين ، فيه السـلامة والنجـاة
والتمسـك …. بالعقيـدة …. تواليه اثمـره
****
بقلم الشاعر / عبد الله عطيه المالكي