قصيدة للشاعر نـايـــف الــجراع



الرأي - مضواح بن شتوي - الرياض

الشعر سحرٍ يختلج بين الانفاس
وقعّه اشد من السيوف الصقيله

****

مأكل راسٍ راسيٍ كنّـه الـراس
واكبر خطا غاية تبرر وسيلة

****

ينباس راس وراس يرمى وينداس
وكم عايلٍ طاح بسبايب شليله

****

والناس ماهي مثل ماكانت الناس
قل الوفا. والمرجله .. والفضيله

****

وقت الرخا عندك على كل الاجناس
متشابهه تحت العروش الضليله

****

بالشكل والا بالمظاهر والالباس
وقت الرخا وقت الليال العليله

****

الفرق يظهر وقت الارياق يباس
تظهرلك الكدش وتبين الاصيله

****

وما كل شـــبر لكل رجال ينقاس
وماكل شيٍ له مع الـناس حيلة

****

المستحيلة مستحيلة على ناس
لكن على ناسٍ مهي مستحيلة


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح