قصيدة للشاعر سعيد بن سعد بن عمر



الرأي - طريب

حب بعض الناس من حب مصلوحه

 وان خلص مصلوح عينه تحاشاني

****

غرني بالضحك وهروج مملوحه

بعدها ماعاد شفته ولا جاني

****

قام يرسم لي خيالات باللوحه

لعنبوها رسمة تشغل أذهاني

****

أحسب انه بالنظر يبعد الشوحه

وصارت النظرة على دان ياداني

****

عزتي له ياعرب متعب روحه

صادر من غبة العد ضمياني

****

روّح ويالله عسى روحته روحه

كنها إلا روحة فلان وفلاني

 ****

الخبر من دونه ظروف مشروحه

والعوض قدام والسوق ملياني

****

القدم سقناه لدبي والدوحه

ومن رياض الخير لحدود عمّاني

****

قلتها وأبواب الأرزاق مفتوحه

 والخلايق كلها عمرها فاني

****

زلة المسلم من الرب مدموحه

جل شانه واعتلا رب الانساني

****

الشاعر سعيد بن سعد بن عمر


4 التعليقات

إنتقل إلى نموذج التعليقات

    1. 1
      سعدالجروي

      صح لسانك يابو ناصر وشاعراً جزل جعل شايباً رباك في الجنه

      (0) (0) الرد
    2. 2
      سعيد بن سعيّد آل جمان

      صح لسااااانك ابا ناصر 👍🏻👍🏻👍🏻

      (0) (0) الرد
    3. 3
      النحاوي

      الحمام يقطع القلب من نوحه
      كلما غنا يالاحي ياليحاني
      **********
      مهجتي ماهي من الحب مذبوحه
      غير من صوتن من البعد ناداني
      ********
      من مشاعر شاعرن تنزف جروحه
      شفت قافه في الصحيفه وبكاني
      ********
      السبب واحد وراء بوحي وبوحه
      صاحبن غلق لزومه وخلاني

      (0) (0) الرد
    4. 4
      سعيدبن سعد بن عمر

      1صح لسانك ياالنحاوي وبيض الله وجهك 2 صح بدنك يابو عبيد 3 صح بدنك يابن جمان 4شكرا لكم جميعا 5 شكرا لصحيفتنا صحيفةالرأى والأدب والثقافة

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح