قصيدة للشاعر ابن ندعان الاحبابي



الرأي - مضواح بن شتوي - الرياض

نامو التالين وانا على مركاي انوح
نوح من حده زمانه ولا أحد” عبره

****

اتذمر عن فراشي ولا ادري واين اروح
ورجع اراجع زمانً مضى واسبره

****

ياوجودي باح سد من أول مايبوح
ودمعة الرجال عن مايكن معبره

****

فاقدً لي درع جنبً على العليا طموح
اصغر اخواني وكسب المراجل كبره

****

مطلقً في والدينه ولخوانه دموح
وان بغيته في لزوم” قضاه ودبره

****

أخذته منا المقادير والوقت الشحوح
ومن صبر برضاه والا السنين تصبره

****

ماجرحني مثل فقده وانا كلي جروح
ليت ربي لد باب الخبر ومخبره

****

مايطيح معنوية بعيدين الشبوح
غير كسرة عُظُمْ ماعاد شيء جبره

****

《 ابن ندعان الاحبابي 》


1 التعليقات

    1. 1
      سفر بن سيف آل عادي

      السلام عليكم ورحمة الله وبركاته
      صح لسانك واعتلا شانك

      احسن الله عزاكم وعظم الله اجركم
      الله المستعان الله يعوضك فيه خير ويعوضه في حياته الجنه
      ماياخذ الغالي الا الوالي سبحانه وهذا سالف الدنيا يابن العم جعل توالي هذي الحياه ابركها

      الحمدلله على كل حال لله ما اخذ ولله ماوهب

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح