قصيدة للشاعر مطيع بن سالم بن جريب



الرأي - مضواح بن شتوي - الرياض

تال الزمن  ماعاد به شيً  اوكيه
والي بصدري  مانطق به لساني

****

اشوف وسمع والحكاء دايم اخفيه
حتى لو انه   جمرتن   في كياني

****

لاكن دعيت   الهاجس  ورد  لبيه
اقلت استعد ابغاء جزيل المعاني

****

قال ابشر وجاب الجزل من معانيه
معاني    تبغي   لها    ترجماني

****

واللي مايحسب  للامر ويش تاليه
لا بد.  ما. يندم   بتال    الزماني

****

من  ساقها عميا  على غير توجيه
ان   طاح   ولا  لازم   انه  يعاني

****

كلن  يعرف   الدرب   وينه  يوديه
يما   وطاء   ولا  براس.  البياني

****

كم  واحدً   الفرض  ماهو  يصليه
مومن  ولاكن  ما  يطبق  الايماني

****

يوم   القيامه.    بينات     مواريه
والي   مبين   ما  خفاك.  وخفاني

****

نجم الجدي  يعرف  وتعرف مباديه
ولا هوى    نجمً   بدا   نجم   ثاني

****

من  زعل  منك  فسكت  ولا تحاكيه
ون  سج  يمكن  تقنعه  في  ثواني

****

شوف  الملك لا غضب حاول تهديه
ولابد   ما يهدى    عريب   المجاني

****

الايام   فيها   مالمخاليق    تشويه
صارت  مابين اثنين حاقد و اناني

****

خيل   تبي   خيال  تعرف  عزاويه
وخيل   رجع    خيالها    للمحاني

****

وخيل  الكبير  الي   بعاد ً هقاويه
عنانها   تال  الزمن.  بيد   ايراني

****

وريالنا في  مصر يسوى كم جنيه
والتاجر.  يحقق   جميع.  الاماني

 ****

والمدعي   لابد   تكشف   دعاويه
والخافيه.   تطلع.  عيان.   بياني

****

واللي سعاء للطيب عاشت مساعيه
الطيب.  يبقاء  لاكن  العمر فاني

****

واللي   عيونه   دايمً   عند   رجليه
جنبه.   لنه   لاش   ولا      هداني
****

هذا   زمان.  مادري.  ويش تاليه
سمه  بكبده  والعسل   باللساني

****
مطيع بن سالم بن جريب


3 التعليقات

    1. 1
      الزير

      صح لسانك يابو سالم

      (0) (0) الرد
    2. 2
      محمد الاحبابي

      صح لشان الشاعر وبيض الله وجهك على ذا القصيده الطبيه

      (0) (0) الرد
    3. 3
      محمد الاحبابي

      صح لسان الشاعر على القصيده الطيبه وبيض الله وجهك

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح