قصيدة ( الحلم الصعيب ) للشاعرة : دلال القحطاني



الرأي - الرياض

ياهل القيفان والطبع العريب
اقبلوا    كل  يحضّر   بقلمه

****
الغلا  طاح وتلوى بالنصيب
خاب ظنه والأماني مظلمه

****
ياوجودي وجد مغدور القليب
في دماسٍ ويتخضب في دمه

****
صاح في صوتٍ تحشرج بالنحيب
ماسمع صوتٍ سوى صوت غنمه

****
من سوى كسره تهامله  القريب
وانكثب همٍ بصدره واكتمه

****
يشتهي حلمه وهو حلمٍ صعيب
ومن تنكس في حلومه تردمه

****
كل ما داويت لي جرحٍ عطيب
التهب مدري من اللي جرثمه

****
يصمت الوجدان فيني واستريب
من سكونه  كن   مافيه   نسمه

****
ليه   ياحظي  تعاملك الغريب
ماهقيتك   تنهزم  في ملحمه

***^
الهواجس كنها حيد الشعيب
والحزن   كلٍ   تعثر    بحصمه

****
كنت أحسب الليل واحلامه تصيب
واثر ذاك  الليل شرّع  مأتمه

****
آه ياقلب ٍ تعاجز  يستجيب
انجرح  ما عيّن اللي يرحمه

****
لين لاح العمر في حروى الطبيب
والشقا  في  مفرقي  قد علّمه


2 التعليقات

    1. 1
      عائض بن فهد ال كدم

      والله رائعه صح لساااانك

      (0) (0) الرد
    2. 2
      سعيد بن سعيّد آل جمان

      قصيدة جزلة ورائعة صح لسان قائلتها ومن يشااهد…

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح