ياسود الايام ماعندك مكاناً ل بوح.؟
ضاقت به صدور بعض الناس لاتسمعه
****
ياسود الايام وين القى رفيقاً نصوح.؟!
بوجه واحد ولايلبس عليه اقنعه
****
ياسود الايام وين القى علاج الجروح.؟
للي كبار الدكاتر حايره بوجعه
****
ياسود الايام عيت هالمواجع تروح
لقت لها بين ضلعين الشقى مطمعه
****
ادلّه النفس والفرحه عليها شحوح
ياضحكة السن ضعتي وسط هالمعمعه
****
اطرد سراب الامل لو من بعيداً يلوح
اسلي الحال ب الاحلام يوم واتبعه
****
ابني لها برج واعلي عليها صروح
لين انهدم حظ بانيها وراحت معه
****
ماباقياً من مبانيها ي غير السفوح
تذري عليه السوافي كل مانجمعه
****
ياسود الايام مابه وقت من شان بوح
خلي عيوني غزير دموعها تدمعه
****
شمس العنزي
التعليقات 1
1 ping
عائض بن فهد ال كدم
20/07/2017 في 11:05 م[3] رابط التعليق
ياسود الايام وين القى رفيقاً نصوح.؟!
بوجه واحد ولايلبس عليه اقنعه..
اش الحبك والسبك .. اش الجمال …اش الاتقان صح لسااانك
(0)
(0)