قصيدة للشاعر محمد أبوحكام



الرأي - مضواح بن شتوي - الرياض

اللي يحبك. مايروح ويخليك
تصارع ظروف المقادير وحدك

****

واللي يحبك.يردع اهل الحكي فيك
اذا حكابك واحد… يقول حدك

****

واللي يحبك.مايغطي حسانيك
ولا يبيّح للمخاليق. سدك

****

ولا يشوه سمعتك عند اهاليك
ولا يتحالف مع هل الشر ضدك

****

واللي يحبك مايراقب مخابيك
ولا يهمه كثر او قل مدك

****

اهم ما عنده وجودك وطاريك
وانك بجنبه وان يده بيدك

****

هذا هو الحب الحقيقي وتنبيك
عن صاحبك افعاله اللي تشدك

****

فإن كان سوى عكس الافعال ذي فيك
فلعاد يستغرب اذا شاف صدك

****

ولعد ايقول انه يودك ويغليك
هذي ماهي بأفعال واحد يودك

****

((محمد أبوحكام))


1 التعليقات

    1. 1
      النايد

      صح لسانك ياابوحكام الربيعي بيض الله وجهك في الصميم في الصميم

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح