قصيدة للشاعر حمد بن فرجه



الرأي - أمل الشمري

كلــما رحــت لمــداهيــله بكيت

اتـهــيض واضرب الارض بعـصاي

••••

ودي اشكي غير توجع لا شكيت

يشمتون اعداي وضعوف اصدقاي

••••

جئت لكن ليتني ما كان جيت
الجروح تشب في داخل حشاي

••••

ودي أقوى لكن اني ما قويت
لا حصل طاريه يأتيني بلاي

••••

كم على شانه بتفكيري سهيت
وكل ما يثقل علي تضلم سماي

••••

لو نواني بالتصدد ما نويت
كيف اجازي داي واقاطع دواي

••••

صحت مالفرقى لكني ما نجيت
وكل ما ناديت ما يسمع نداي

••••

ذقت من كاس المراره وارتويت
جعله امحق راح ثم ضيع غلاي

••••

الحروف تعاتبه في كل بيت
وش جداي الا المعاتب وش جداي

••••

هد بيت الحب وأنكر ما بنيت
جعل ما يلقى مع العشاق رأي

••••

انا من صدقي على نفسي جنيت
يوم حبيته وهذا اكبر خطاي

••••

الشاعر : حمد بن فرجه


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح