قصيدة مهداة للشيخ علي بن شايع آل عادي



الرأي - الرياض

يا الله ياربي عليك اعتمادي
يارافعٍ سبعٍ بليا عمدها
••••
انت الرجا وانت الحجا خير هادي
ياغافر الزلات محصي عددها
••••
اطلبك عفوك ياكريم وجوادي
في يومٍ الزلات كل شهدها
••••
وصلاة ربي كل ما ناح شادي
على النبي خير العباد ورشدها
••••
يسوقني علم الفخر للبعادي
واطاول نجوم السما في ركدها
••••
اعتز في كل الربوع آل عادي
اهل الفعول الغانمة في وفدها
••••
اطرب واعيش بفعلهم في سعادي
واقول يا مجد التواريخ زدها
••••
اهل الخيول الصافنات الجيادي
اهل المواقف غيثها مع بردها
••••
بيض الوجيه وناديات الايادي
مواقفٍ مافيه احدٍ جحدها
••••
من يوم عاد الوقت كله طرادي
هذا يصبح قوم والا هجدها
••••
واليوم تنعم بالرخا في بلادي
في ظل سلمان العروبه واسدها
••••
وزبدة حديثي يابو ساري سنادي
شيخٍ من شيوخٍ تفرد وحدها
••••
ال عادي رمز مجد وسدادي
متوارثين المجد كل ن حمدها
••••
امرٍ وزاري فيه رمز اعتمادي
ثقة ولاة الامر جت في وعدها
••••
مبروك ياشيخٍ وريث الشدادي
علي وصبيان ال عادي تجدها
••••
وختامها صلاة رب العبادي
على النبي ماحن داوي رعدها
••••
فهد محمد آل عادي


5 التعليقات

إنتقل إلى نموذج التعليقات

    1. 1
      سفر بن سيف آل عادي

      السلام عليكم ورحمة الله وبركاته
      صح لسانك وبيض الله وجهك يابو محمد

      (0) (0) الرد
    2. 2
      عبدالعزيز ال عادي

      سيتاهل ابو ساري

      (0) (0) الرد
    3. 3
      الجربوعي

      صح لسانك يبو محمد .. ويزهى ابو ساري المدح

      (0) (0) الرد
    4. 4
      فيصل بن عايض بن ذعار الفيصل

      السلام عليكم ورحمه الله وبركاته
      يستاهل الشيخ / علي بن شايع ال عادي
      المدح وكل علم غانم وفي محله ويسلم الشاعر /
      فهد بن محمد ال فيصل
      والله يعينه في خدمه الدين ثم الملك والوطن
      دام عز الوطن شامخ باذن الله

      (0) (0) الرد
    5. 5
      عبيد سعيد مقبل

      السلام عليكم ورحمة الله وبركاته
      الله يبيض وجهك يابو محمد كفو يمدح كفو فابو ساري يستاهل المدح وقليل في حقه فهو جامع الدين والطيب والكرم وحسن الخلق وانت يابو محمد نقول كفيت ووفيت وصح لسانك على هذه الا بيات الجزله ولا هي غريبه من رجل المواقف امثالك فلك التحيه والتقدير

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح