“الطيب اللي” قصيدة للشاعر جراح العتيبي



الرأي - أمل الشمري

الطيّب اللي كل مارحت يمه
تلقى تباشير السعد في حجاجه
•••
من كثر ترحيبه ومن خف دمه
كنه يقول لـ كل ضيق انفراجه
•••
واليا وقف في شي لازم يتمه
ماهو بـ قايل روح لين انتواجه
•••
يقوم معك اليا بدى لك مهمه
سيفً تسله كل ماحتجت حاجه
•••
ودايم تسوقه طنخته لـ بن عمه
عون الرفيق ودرع جنبه وتاجه
•••
ولا الردي لو عاش في راس قمه
وقفته ماتشفي وعظمه زجاجه
•••
لو فالسعه سولف وكبّر معمه
سوالف الحرمه تغيّر مزاجه

•••

الشاعر : جراح العتيبي


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح