شيصير لو نفترق ،، وتغيب عن عيني
أبحـزن ايـام وانسى كـل مايجـري !
°°
واهل دمعـي ،، ونـار البعـد تكوينـي
واعيش ذكرى حزينـه فوقهـا هجـري
°°
ماهمّـك ألي كـان ،، مابيـنك وبينـي
نسيت حبك وشوقك والسبب مدري
°°
ادعي عسـى ربي إنـه دايـم يعينـي
يوم الحنيـن يتزاحم كلـه بصـدري !
°°
يـارب تنـزع غلاتـك ،، من شرايينـي
ما آبي اشوف الذي متسبب بكسري
°°
ماعاد كنت الذي بالحيل ،، يعنينـي
دامك رميت الغـرام وعطفي وقـدري
°°
وماعاد وصـلك مثـل ماكان يروينـي
جف الغرام الذي قد كان لك بدري
°°
مابي تجيـك المضـره ،، لو تجافينـي
رغم العتاب الذي في داخلي يجري
°°
ولا عاد حبـك يأثـر بالزمـن ،، فينـي
والجرح لو طال وقته ،، لازم ٍ يبـري
°°
انا بوجـه الكريـم ،، أنـه ما يبكينـي
لو عشرتـك في خيالي دايم ٍ تطـري
°°
يحفظنـي اللي خلق حبك ،، ويحميني
هو الذي جيته بيسـري وفي عسـري
°°
الشاعرة : نورة العنزي