“بعض الجروح” قصيدة للشاعرة رواسي بنت الهيلا



الرأي - أمل الشمري

ماكل جرح يحصّل الطب ……طبه
بعض الجروح تطيب من طيب راسي
•••
جرحٍ مثل جرح الهوا……… والمحبه
انساه لو القلب ماهوب …….ناسي
•••
والجرح صعب إن كان من دون سبه
يكسر مغاليق الضلوع ……اليباسي
•••
كنّه من الضيقه سكن وسط غبه
الموج فوقه …..والجبالٍ الرواسي
•••
لو اني اسمع في ….كلام المسبه
صرت احتياط اعن الفريق الاساسي
•••
راسي ترى ماكل طاري….. يهبه
لكن على الوقفات صامل وراسي
•••
نبيه……. ما يحتاج قول المنبه
وليا بغى يربك برايه….. كراسي
•••
ماني غشيم ٍما يحاسب ..مطبه
لو تبحثه يصير….. فيه إلتماسي
•••
صدك عن اللي ماتبيه وتحبه
كنك بوسط البرلمان الرياسي
•••
الناس فيهم فرق للي يشبه
مثل الذهب به فرقٍ اعن النحاسي
•••
والفرق فرق اللوح واللي كتب ابه
يارب مايفضى من الخير كاسي
•••
الشاعرة : رواسي_الهيلا


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح