“لبيه” قصيدة للشاعر سلمان المضياني



الرأي - أمل الشمري

لبيه كثر المطر اللي علينا نزل……
………..ولازاد لبيتها ولاراح لبيتها
•••
ايه ارحبي ارحبي على القصيد الجزل
……..اللي عجز بيتها يسبق صدر بيتها
•••
ماهي بحصري فخر ولا بحصري غزل
……من وين ماهبت النسمات هذيتها
•••
كن القوافي نزل بعصير وقت النزل
……..جتني من الحوم جيعانه وشليتها
•••
شقر الثنادي عراض معزلاتن عزل
……..كن الظهور الخناجر لا تقفيتها
•••
عودتها للسمين ولاتعرف الهزل
……ان ضقت هيجنتها وان بحت غنيتها
•••
وانا من الوجد حالي منخزل بي خزل
……..اقول ناسي ولكن ….ماتناسيتها
•••
يااللي غلاها نسيج ومنغزل بي غزل
……..مدري هو افراق أواني تباطيتها
•••
ماخفت الا لساني للخلايق يزل
……ويفضح تناهيد صدرٍ عشت واخفيتها
••••
احاول اصبر واداري والغلا لم يزل..
………ياكم دموعٍ عزيزة غصب كفيتها
•••
ماهو جديد الغلا ولاهوب منذ الازل
…….الناس تقرا بوجهي كيف انا اغليتها
•••
حطيت بين العواذل والمسامع عزل
……….سنة مشاعر لها بالقلب سنيتها
•••
مالوم نبض القوافي لو بها تختزل
……….مادام نبضات قلبي زي توقيتها
•••
ولبيه كثر المطر والقاف صدره أزل
………..والعجز ماعجَّز لساني على ايتها

••••

الشاعر : سلمان المضياني


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح