هبيت ياوقت الجروح المعاطيب
من يتبعك ياوقت يلحق ملامه
•••••
والا الخوي مايلحقنه عذاريب
عساه يبقى بالبقا والسلامه
••••
كسبت عدواني بحلوا الاساليب
وانااعطي حقوق الخوي من مقامه
••••
والطيب في ناسن تردت عن الطيب
مثل البعير اللي ضعيفن سنامه
••••
نخزم خشوم العيب لامن بدا عيب
والمحترم يفرض عليك احترامه
••••
الله خلقنا للفعل و المواجيب
ولا تلحق النفس العزيزه ندامه
••••
نشرب من كفوف الليالي مشاريب
وهاماتنا تعلى مع كل هامه
••••
ارزاقنا بيدين من يعلم الغيب
ومن فضل ربي مالكين الكرامه
••••
كب العلوم الخايبه والهذاريب
واللي تكلم ما يفيده كلامه
••••
راياتنا تلمع بروس المراقيب
ما تنثني حتى تقوم القيامه
••••
مالي ورى العدوان حق ومطاليب
اناوريث الطايله والشهامه
•••••
عند الخوي نثني بطيب ن وترحيب
ونسانده إلين ياصل مرامه
••••
نفزع لراع الطيب وجه الاجانيب
والاالهلامه طول عمره اهلامه
••••
الشاعر : فهد سليمان المليح