قصيدة البارحة للشاعر خيران بن مجحو



الرأي - أمل الشمري - الرياض

البارحه هبت علي الهبايب
كبدي وعيني نايشتها حراره
••••••••
بيني وبين هموم بقعا طلايب
اصد غاره وأتصدّى لغاره
••••••••
أشيل حملٍ ماتشيله ركايب
وأثبت ثبوت طويق وجبال واره
••••••••
إبيك ياناصر جروحه عطايب
ما همته وأبيك حافظ وقاره
••••••••
لكن كسري فيك ما هوب طايب
حتى ولو لفوا عليه الجباره
••••••••
ما ودي بوجعتك يا اغلا القرايب
لكن وقتي قام يقدح شراره
••••••••
تعال يا وقتي وخل الحبايب
انطح خصيمك كان فيك النعاره
••••••••
انا ادري انه بأمر منشي السحايب
مكتوب والمكتوب صدّر قراره
••••••••
يا بيك انا بوصيك لا صرت غايب
اركز عمود البيت واملا وجاره
••••••••
وخلك ذرى ربعك وفك النشايب
الطيب يا فرز الوغا شب ناره
••••••••
وخلك كريمٍ يا عطيب الضرايب
وترى النبي وصى على الجار جاره
••••••••
واوصيك انا بالحلم وقت الصعايب
ولا تعتبر من كان رايه دماره
••••••••
وخلك لطيفً عند شايب وشايب
وامك لها خلك برهن الاشاره

••••••••
خيران بن مجحود


1 التعليقات

    1. 1
      ابونايف

      صح لسانك يابونااصر .. قصيده جزله من شاعر جزل

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح