“حمام السلام” قصيدة للشاعر مبارك بن عنين



الرأي - أمل الشمري - الرياض

اليوم اموري ي نايف كلبوها تمام
خذها بمنهج (تراجيدي) وغُض البصر ..
•••••••

عن كل (نزوة) تجي زلة بـ عرض الكلام
على سبيل احتكار (اوضاعنا) والحصر
••••••

في يدّك الهاص والشريا الملك والغلام
وفي يدي (الأكة) اللي ماتجيب النصر
••••••

عليك هذي حلال وذي علينا حرام
واواصر الود ممتدات وصر بـ وصر
••••••

لو فرّ فرعون من موسى عليه السلام
يمكن م شفنا في ارجاء الخريطة ، مصر
••••••

ابعد عن اسبابك اللي من وراها ملام
انا هنا من صلاة الفجر لين العصر
•••••••

اراجع اللي مضى واكسر ظلام الظلام
وابني قصر في خيال الفكر واهدم قصر
•••••••

الدايم الله و غير الله ماله دوام
والعمر مهما يطول ، اتلاه يرجع قِصر
•••••••

رأيت في مايرى النايم بـ عرض المنام
اني شربت العصير المُر قبل العصر !

•••••••
هاجر على غير رجعة ياحمام السلام
العمر رحلة غريب و جانبٍ مختصر .

•••••••
مبارك بن عنين


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح