قصيدة “فعل الجمايل” للشاعر سعيد بن فارع



الرأي - أمل الشمري

يالله ياللي تعلم ابسري وغيبي
عالمٍ مايعلمون الناس غيبه
•••••
ياعسى فعل الجمايل من نصيبي
عند من رد الجمايل من نصيبه
•••••
صاحبٍ ماطبت عنده وش يبي بي
وصاحبٍ ماطاب عندي ويش ابي به
•••••••
ودي اني لاذكرت اذكر بـ طيبي
مثل ماهو يذكر الطيّب بـ طيبه
•••••••
اتحمل واتغاضى عن قريبي
احسب ان مالـ القريب الا قريبه
••••••
قلت تكفى داو جرحي ياطبيبي
قال ماله لاطبيب ولا طبيبه
•••••••
شبت من وقتي قبل حزة مشيبي
كلما عاينت دقني شفت شيبه

•••••••
الشاعر: سعيد بن فارع


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح