قصيدة “السراب” للشاعر سعيد بن سعد بن عمر



الرأي - الرياض

ياللي جهلت الطيب ومزارق الطيب
والجية اللي ماعرفنا هدفها
••
تكرم شواربنا عن النقص والعيب
وعن هرجة عوجاً سمعنا طرفها
••
تبقى روابعنا على شُمّخ النيب
وصاة عودٍ عايشٍ في كنفها
••
مالي ورا عوج النوايا مكاسيب
أصد عنها مير ربي كشفها
••
نبعد عن الشكة ولا نقرب الريب
نقطف زهر والشوك غيري قطفها
••
خذيت من دنياي درس وتجاريب
دنياً عجيبة عند ربي خلفها
••
أخاطب العالم بحكمة وترتيب
وبكلمةٍسبحان ربٍ وصفها
••
مثلي يداري سمعته والمواجيب
وبعض الاوادم زلّها ماعرفها
••
مالي على المقْفِي لزوم ومطاليب
مثل السراب اللي يغرك قنفها
••
#سعيد بن سعد بن عمر


3 التعليقات

    1. 1
      سفر بن سيف آل عادي

      السلام عليكم ورحمة الله وبركاته
      صح لسانك يابو سعد

      (0) (0) الرد
    2. 2
      علي ابن محمد العبيدي

      صح لسانك واعتلى شانك

      (0) (0) الرد
    3. 3
      مفلح ال عمر

      صح لسانك يايو ناصر

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح