قصيدة “غايات الصدور” للشاعر محمود آل مخلص



الرأي - أمل الشمري

هيبة السمعة وغايات الصدور
تستلذ الصبر قبل المنفعة
•••••
والعطا ميدان والمسلم صبور
والوفا ميزان والدنيا سعة
•••••
والبحر مقرون في صعب الإمور
والسفر يحتاج شد الإشرعة
•••••
لكن الضحكة لها سكة عبور
في وجيهٍ تستبيح الأقنعة
•••••
والغياب احيان اخير من الحضور
الحضور اللي شتاته تجمعه
•••••
كل صدرٍ فيه للفرقا كسور
إسمع آهاته ولاتضحك معه
•••••
وإن غدا في داخله صمت القبور
لاتحاول تكشف اللي يمنعه
•••••
وان تكلّم لو بداياته فتور
إنتبه تقطع كلامه وإسمعه ..
•••••
واحترم ماقال وإفهم مايدور
وكان ماتقدر تواسيه فـ دعه..
•••••
ليه سولف لك وشريانه يفور؟!
يمكن يخفف عن اللي يوجعه!!

•••••

الشاعر / محمود آل مخلص


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح