قصيدة بعنوان ( الغاوين ) للشاعر ماجد النصيف



الرأي - مها الجهني

ياللي تفاخر بالمواتر وبالبيت

واعزتيلك كان هذي مراجلك
•••••
بكره ليامنك بقبرك تساويت
هذي وهذي كلبوها ماهيب الك
•••••
منته بماخذ معك لامنك اقفيت
الا عملك اللي يحدد منازلك
•••••
ولا باقيً لك غير سمعتك والصيت
بفعولك اللي عند ربعك تجملك
•••••
وابا انصح الغاوين مادام غنيت
وانا على القيفان يجذبني السلك
•••••
يالادمي مهما وصلت وتعليت
انهايتك للدود بكره بياكلك
•••••
مير اعتذر للناس لامنك اخطيت
وليّن لهم جانبك واحسن تعاملك
•••••
واعرف ترى الايام مهما تهنيت
بالوجه الاخر ف اي لحظه تقابلك
•••••
واخوك لو انك بضفه تذريت
يومين والثالث ماهوب متحملك
•••••
عن فزعة العربان في كل توقيت
يازين فزعة خالقك مالك الملك

•••••

الشاعر/ ماجد النصيف


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح