قصيدة للشاعر علي بن ضاوي



الرأي - مضواح بن شتوي

يا فسح الرجى في مدة الواحد المعبود
يسوق النصيب و رزق ما يُحسب حسابه

•••••

عقدنا رجانا في كريمً يمد الجود
و حنا على بابه ولا خاب طلابه

•••••

وجدنا و شرفنا بشرعً عليه قيود
ومن يلتزم في عروة الله من احبابه

•••••

رضينا على بيض تلافت و راحت سود
عساها لنا و اللي مضى ينقفل بابه

•••••

انا في ضلوعي باشةً في كنفه حشود
تحده على اقصى سجته فوق مرقابه

•••••

يهيٌض عليه اللي يحبه هبوب النود
على مدهل اللي باقي رسم مخلابه

•••••

تمره ذعاذيعً تسوق النفل و العود
على راس من هو يفتل بوجهه اشنابه

•••••

عزيز و علي شرهه و اداري من المنقود
و لومي على اللي كان هذا من اسبابه

•••••

نشوف و نعاف و نلتهم ما بناه العود
و نرجع على ما دون العز بكتابه

•••••

ما بين الصخى و العرف و الملح و البارود
اعيد النظر واقول من وجهي يشابه

•••••

اخايل رجوماً في كنفها رعينا الذود
و دهماً مخازنها مشاويك شبابه

•••••

عليها عزاوي عزوتي و البرا مردود
وتاريخ شيخ القوم في مقدم اللابه

•••••

انا في هواجيسي خيال و رزيم رعود
تشوق العيون و تعطي الحق طلابه

•••••
الشاعر/ علي بن ضاوي


1 التعليقات

    1. 1
      ابو شوق السعدي

      صح لسانك يابو ضاوي
      ابيات جزله ومن شاعر جزل

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح