قصيدة “صوت الشوق” للشاعـرة : عيـوف



الرأي-مها الجهني

كل ما ناجاك ” صوت الشوق ” ناجه

بحّ صوته ليه كنك ما انت حوله ؟

••••••

كيف اعبر عن ” بلاي ” وعن علاجه
وانت تعرفني بـ احاسيسي ” خجوله”

••••••

الغلا / لا يزعلْك كثر احتجاجه
كل مازاد الغلا ، زادت حْموله !

••••••

ليه ماهمّك شعوري وانزعاجه ؟
دام طلت اللي ماحد غيرك يطوله !

••••••

الزعل لو هو بنا حولي سياجه
والله اني لـ ازرع الاعذار حوله

••••••

ياذرى قلبي عن الوقت وعجاجه
والله اني ماني ” البنت الزعوله”

••••••

ووالله ان صدري وسيييع ولا اواجه
منهجي ( نهج التسامح فالطفوله )

••••••

انت سلوة خاطري وانت ابتهاجه
وانت كوني كله بعرضه وطوله

••••••

انتمي لك ما انتمي لـ ايّات حاجه
والله ان كني مواطن وانت دوله !

عـيـوف


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح