[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
رن الجهاز وثار صمتي ورديـت=يامرحبا وأهلين يا أغلى الحبايـب
اللي على شانه سهـرت وتعنيـت=واللي جعل راسي من البعد شايـب
لا شفت رقمه يا خلايق تشاويـت=كني سقيم(ن) وأصبح اليوم طايـب
ومن شوقي لشوفه وممـا تمنيـت=أسابق أبراجـه وحتـى الهبايـب
وليا تذكرته علـى طـول حنيـت=حنت غريب(ن) ما لقالـه قرايـب
وأن جيت أسلي خاطري ما تهنيت=ما كني إلا ّغارق(ن) في مصايب
بنيت له في القلب من حبنـا بيـت=وأسكنته بقلبي ولـو كـان غايـب
يقول وشبـك ياحبيبـي تماديـت=حطيت في صدري جيوش وحرايب
وأقول عن حبك ترى ما تناسيـت=إن تبت عن حبـي فلانـي بتايـب
تبقى حبيبي دون لجنـه وتصويـت=وأبقى حبيبك لـو تزيـد اللهايـب
مديت لي فنجال حـب وتقهويـت=وأشبعت كيفي منك يا أغلى الحبايب[/poem]

الشاعر جازع آل سفران