[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]
تناقلوا كل الرواه القصايد =في مقتلك ياشيخ شمل المواجيب
في كل يوم اسمع بيوت جدايد= والشعر يخطي مره ومره يصيب
ومالدني عن بدع قاف الشرايد= الا الحزن خلف الضلوع المحاديب
من يوم وردن العلوم الوكايد= بالموقف اللي يجعل البالغ يشيب
شبت وراء عوج الضلوع الوقايد= وصارت همومي للحنايا معازيب
جزل القوافي للقريحه عوايد = وعد الروى مافيه شك ولاريب
يالله يامحيي هشيم الجرايد= ومسقيه من غر المزون المهاديب
اجبر عزاء الحرقان واجبر عبايد= في موت رمز الجود عايض ولد ذيب
واجبر عزاء قحطان جمع وفرايد= في فقد قرم ماقفته العذاريب
ياللي تلوم وتحسب الوضع زايد= لاشفت نقاض الجدايل مناحيب
عايض بكوه شيوخ شمل وبدايد= وبكاه جوخ يلبسه في المناديب
والمجلس اللي في الرخاء والشدايد= فيه الشحم والبن والهيل والطيب
وتبكيه ضلعان العرين النوايد = وذيب الفلا يقنب من مفارق الذيب
يالله تغفر له نهار الحصايد = وتكفيه من نار نسمها لواهيب
وتجعل مكانه ساعة الحشر نايد= في جنتك ياعالم الجهر والغيب
موت الرجال اهل المواجيب كايد= بالذات لا صاروا شيوخ ومناصيب
والحزن يا ال كناد ماهو بفايد= وما تنفع الدمعه ولا فرية الجيب
شدوا على ايد حسين وحسين قايد= حر تسلسل من علو المراقيب
تمت وصلوا عد نظم الفرايد= على الرسول اللي منزه عن العيب
[/poem]
الشاعر/ محمد بن علي بن مبارك المسفري
(
(
التعليقات 2
2 pings
16/02/2013 في 8:47 م[3] رابط التعليق
احسن الله عزاك في خالك الشيخ عايض القنطاش و صح الله لسانك يالشاعر محمد المسفري على القصيدة الجزله
18/02/2013 في 4:45 ص[3] رابط التعليق
الله يغفرله ويرحمه ويتجاوزعناوعنه يعلم الله ان الناس شهودالله في ارضه ونحن ممن يسمع عن الشيخ/عايض بن ذيب القنطاشكل علم غانم يفتخربه كل عربي مسلم يحب الخيرللغيرفقيدة دوله يعتبررحمه الله لماله من القبول والمحبه بين الناس