قصيده للشاعر محمد الذيابي – نطق بالحكـمة والنصيحـة والعِــبره



يا صاحبي حبل الصداقة جـوده و إلا بـدون

ما فيه داعي للعتب من باع شـيٍٍٍ مـا شـراه

أنا رفيق الطيب إللـي للصداقـة مـا يخـون

و إلا الردي ما كنت مستغرب ولا جاهل رداه

أكرمْ كريماً تملكـه بالطيـب فالشـدة يعـون

واحذر لئيماً تكرمـه يطاولـك شـره و أذاه

يا صاحبي قبل أمس وأمس تمون ولا ما تمون

كم صاحبٍٍ يخذلك لا احتجته ويصفق في يديه

بعدين ما فكرت بكرة وين رايحٍ وش تكون ؟

يا هيه بالله بسألك وشهو طموحـك فالحيـاة

منهو يقول إن العما من لا يشوفـك بالعيـون

إللي عمى قلب وبصيرة ما عرف حتى عمـاه

أقولها عاقل وقول الشعر شـي مـن الجنـون

أما ارتويت من أعذبه يا علني مروي ظمـاه

والناس خلق الله خلقها من ظهور ومن بطـون

أحدٍ بنا له بيـت واحـدٍ ينهـدم بيـت بنـاه

ويلي تناظر للسماء وتخيـل بـراق المـزون

عيني تشوف إلي تشوف وخل عكس الإتجـاه

ويا كثرهم من يدعـون ويدعـون ويدعـون

إبداعهم والناس مـا يخفاهـم البيـر وغطـاه

ويا كثرهم من يكتبون وقـل منهـم يبدعـون

ما عاد تفرق شاعرٍ يكسر قصيـدة لـقـراه


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح