قصيدة للشاعر عبدالله الطلحي



لا تقطع ارحامك ويشملك الوعيد
ولا تخسر الغالي ولا ترخص غلاه

واخوك لا تخسره لو انه عنيد
يخطي مية مرة وتسمح له خطاه

وان كان شد الحبل حاول ما تزيد
ارخيه قبل الشد يوصل منتهاه

ولا تنصحه وقت الزعل ما يستفيد
واعرض عليه النصح في ساعة رضاه

وليا طلب رايك عطه رايً سديد
وان ما طلبك الراي لا تبحث خفاه

واعرف ترى قرب المنازل ما يفيد
واحيان يبدي شي ما ودك تراه

لكن لا تقرب ولا تنزل بعيد
اخلك على قول المثل حذفة عصاه

واحفظ حبال الود حفظك للوريد
اللي معلق فيه موتك والحياة

ترى الاخو مهما حصل يبقى عضيد
وترى عيال العم ما عنهم غناه

الناس دايم ما تهاب اللي وحيد
اللي ليا منه وقف محدً معاه

الشاعر عبدالله الطلحي الهذلي


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح