مرثية ابن شايق رحمه الله للشاعرسعيدأبودية



عبرتي كنيتها والبال ضايق
وضاق فيني الكون وفجوجه وسيعه

غاب فكري والعقل ماهو بفايق
ياعيال مضيم ياكبر. الفجيعه

من سبايب عبرتي صدري تضايق
الخبر موثوق. والصوره شنيعه

والقدر سبق الثواني والدقايق
وصورة الاحداث نقلتها سريعه

ودندن الهاجوس لو ماني برايق
وهيض الهاجوس قيضه ياربيعه

والشعر كنه يقول الا ابن شايق
الرثا في سيدي كيف استطيعه

كنه يقول الرثا ماهو بلايق
وانا في عنقي لسيف الشعر بيعه

قلت ياشعر النبط هذي حقايق
لكن الفرقا على مثلي فضيعه

والرجا رحمتك يارب الخلايق
وجعل خير الخلق للجنه شفيعه

وجعلها له يسر ما فيها عوايق
وجعل منزلته بجناتك رفيعه

ومن يلوم الشعر لن ماهو بطايق
للفراق اللي يشابه للقطيعه

وان نشدت الشعر عن بعض الوثايق
قال هذا النادر اللي سد ريعه

وكانو الشعار في جمبه علايق
وكل عسرً لاحتما الماقف يطيعه

وياقحطان وياجماهير ابن شايق
راح عبدالله وياكبر الفجيعه

الشاعر سعيد أبودية


2 التعليقات

    1. 1

      قال تعالى (( إنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الأَرْحَامِ وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ))

      الله يرحمهم ويغفر لهم

      (0) (0) الرد
    2. 2

      رحمه الله واسكنه فسيح جناته وان يرحم من توفي معه من ابناء عمومته
      فقد فقدت قحطان احد قلاعها المنيعه في الشعر والمحاوره في الخليج كافه

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح