ياوقت باشرتني بالمر والعلقم
واسقيتني يازمان المر كاساته
لولا الرجاء في عفو ربي وانا مسلم
ذميت وقت تشوف العين هجماته
لاهابو الناس اوقف توها واقدم
في ساحه سوقها مشلول مداته
عسي قصور الشرف والعز ماتهدم
اللي بها ياجد المحتاج حاجاته
من يكنز المال تالي رحلته يندم
ويش ينفع المال رجل فاقد ذاته
يقولها اللي من الايام متعلم
ومجرب حلو ماضيها وميلاته
ماني صغير فطيس القلب مايفهم
ولا تعلم من الماضي وصكاته
ياليتنا من بلاوي ذا الزمن نسلم
ناس في ذا الوقت بلاسه وشماته
يالله يلي رقيب في السماء تعلم
اسرار موج البحر سطحه وغباته
تغفر ذنوبي لاجيتك خالي معدم
ما حيلتي غير عون الله وفزعاته
سعود الخريب