[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=2 line=0 align=center use=ex num=”0,#400000″”]
رد الــســلام ومــــد كــفـــه عـلــيــه=يـبـغـى يصافـحـنـي بـكـفـه وعـيـيــت
مــدري حـيــا والا مـــن الـديــن فـيــه=ميـر المـهـم انــي عـلـى طــول صـديـت
اخــــاف لا تـكـتــب عـلـيــه خـطــيــة=واخــاف يلحقـنـي كـــلام الشمـامـيـت
نــاسٍ مـثـل مـاقـيـل مـاهــي صـريــه=فــي غفـلـة الاجــواد مـثــل العـفـاريـت
الـهـم عـلـى الـطـرقـة عـيــونٍ خـفـيـة=تـرصـد حركـاتـك بـصــورة وتـوقـيـت
يعـنـي مـراقـب بـيـن روحـــه وجـيــه=مكشوف كل الوضع لن رحت وان جيت
هـــذا هـــو الـلــي كـــان لازم يــديــه=ودبّرت مع دربـي علـى الوجـه واقفيـت
والا تـــرى مـــا لـــي مـقـاصـد ونـيــة=او ان مـالـي فـيـك خـاطـر يـــا بلـفـيـت
لـكـن مـثـل ماقـلـت لــك مــن شـويــة=وشرحـت لـك كـل السبـب فـاول البيـت
الـحــرص واجــــب والـلـيـالـي مــديــه=وان طــال عـمـرك تـاجـد الـلـي تمنـيـت
الله جــابــك مــــن نـصـيـبـي هــديــه=واحييـت قلـبٍ مـن عـنـا سيـرتـه مـيـت
جــــددت دمّــــه والـشـرايـيـن حــيــه=ابك انت فينـي قـول لـي ويـش سويـت ؟
غـيـرت لــك حـاجـات فـيـنـي عـصـيـه=حـاولـت اغيـرهـا لــي سنـيـن وازريـــت
وانـتـه قــدرت بصـبـح يــوم وعشـيـه=تقـلـب مـوازيـنـي وانـــا مـــا تعـنـيـت
ذوقـتـنـي طــعــم الـحـيــاة الـطـريــة=عـلــى لــســان ذاق مــــرة وحـلـتـيـت
وانعشتـنـي واسـعـدت نـفـسٍ شـقـيـة=عـاشـت عـلـى كـثـر البـكـا والتنـاهـيـت
اقــبــل مــــودك والـقـوافــي عــذيـــه=لاجـلـك فـتـح بــاب القريـحـة وغنـيـت
ونـهـايـة الـمـوضـوع خـذهــا وصـيــه=لا قـــــدر الله يـمـكـنـنــي تــوفــيــت
مـصـافـح الاحـبــاب مـافـيــه شــيــه=مـيـر المصيـبـة مــن كــلام الشمامـيـت[/poem]
سعود بن فهد النفيعي