يقول ابو شامه على البال بيتين = من واقع التجريب و عصارة افكار
من صارع الدنيا و خاض الميادين = لابد ياخذ درس من صفق الاقدار
و من ذاق من صلف الحياه الامرين = يصبح خبير عند توريد الاشوار
و طول المسافه للمجرب براهين = اليا انتهى مشوار يبدا بمشوار
وانا بعد عديت سن الثلاثين= لابد ما اخلد من الشعر تذكار
ابدي بشعري للرجال الميامين = اللي لهم هيبه و سطوه و مقدار
و إن كان شعري ما اعجب المستمعين = اصلب على راس القصيده بمخطار
بعلم الجاهل و اباذكر ذهين = مثايل تصغي لها قلوب الاحرار
اليا بغيت العز .. فالعز في الدين = في سنة محمد و في هدي الابرار
و اليا بغيت الذل و الموقف الشين = فالكذب .. و السرقه .. و في تركة الثار
و اليا بغيت الهم .. فالهم فالدين = راع الديون يبات و يقوم محتار
و اليا بغيت الطيب و يقال نعمين = في إغاثة الملهوف و ايجارة الجار
و اليا بغيت تصير في مقلة العين = خلك حريص عند كتمان الاسرار
و اليا بغيت الطب .. فالطب ثنتين = لا تشرب البارد و لا تاكل الحار
[/poem]
جرمان بن بطيحان الشهراني
27/03/2015
قصيدة حصرية للشاعر جرمان بن بطيحان
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=2 line=0 align=center use=ex num=”0,#400000″”]
لا يوجد وسوم
(0)(0)
وصلة دائمة لهذا المحتوى : https://alraynews.net/528061.htm