[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=2 line=0 align=center use=ex num=”0,#400000″”]
صفت جيوش القصيــد الحماسيـــه =وقايـــد الافكـــار يرسم معانيهـــا
الأوامــــر جات بالشعر عفويــــه =من هجوس” تعطي القوس باريهـــا
جوك يالحوثي صقور السعوديـــه =الحــرار اللي تعــــلا مراقيهــــا
طايــرات” تعبر الجـــو حربيـــه =عاقت افكــارك ودكت مبانيهــــا !
وفـ البحـر نرسي بقوات بحريـــه=وفي حدود البـــــر نار” تصاليهــا
جوك شجعان” تحب المخطريــــه=مثل م انت تحب نفسك وتغليهــــا
بالشجاعــه والفعول الحقيقيـــه =نحرق احزابـــك وفتنتك نطفيهـــا
ماتعرف احكام منهج وشرعيـــه=معتدي واحوالك الله مرديهــــــا
ميليشيات انقلابـــات حوثيــــه =تنهب حقوق اليمن وسط أراضيها
التحالـــف قوتـــه غير عاديـــه =قـــوة” ياويــل منهو يناحيهــــا
لابطشنا نلحــق الكيـــه الكيـــه=نكحل عيون المعادي ونعميهـــا
نرخص الارواح لاثــارت الهيـــه=ذي عوايدنا القديمــه ونثنيهــــا
الاوامر جات حزم وسياسيــــه=الملك سلمــــان شيد مباديهـــا
رتب افكار البلاد الخليجيــــه=قايد الامــــه محقق مساعيهـــا
إستجابـــه للشعوب العربيــــه=صف عاصفة الحزم لـ اجل داعيهــا
والزعامات الزحــــول القياديـــه=واللـــه إنـّـا نفتخــر كلنا فيهـــا
يشهر الفيصل بعـــزم ورياديــه=المصايب من قديم متقهويهــــا
المواقف والفعايـــل بطوليـــه=سيرته تاريخ الامجاد يرويهـــا
والدفاع اصدر قرارات رسميـــه=وابن سلمان الشجـاع متوليهــــا
حنكه.. وخبره .. وقدره خياليــه=يرسم الخطه ويبعد هقاويهـــــا
وابن نايف قايد المجد راعيّــه=أمّن حدود البلاد وضواحيهـــــا
ندعي المعبود ونصفي النيــه=ينصر أمتنا .. ويجبر خطاويهـــا[/poem]
الشاعر/ مشعل الشويش