[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=1 line=0 align=center use=ex num=”0,#400000″”]
طيبتي خلتني اخسر من اصحابي كثير =وفهمي اصحابي على نيتي سر الخراب
وفعلك المعروف في شخص ما عنده ضمير =يجعلك تندم وتحسب لصدقانك حساب
بعضهم لو كان تفرش له السكة حرير=قال وش سويت واقفا ولا رد الجواب
والتجارب علمتني وانا ماني صغير =والحياة دروس واعرف خطاها والصواب
والزمن دوار والناس في شر وخير =والذي يمشي على نيته عاش السراب
ناس تجهلها ولا يجمعك معها مسير =كيف تامنها وتهدي لها عذب الشراب
انتباهك يجعلك عند خلق الله كبير =والتجاهل في صفات البشر عين العتاب
والنظر لا صار في ما يخص امرك قصير=عدك اخطيت السعادة وخاويت العذاب
ولا صفالك من هل الطيب فالدنيا عشير =من بعد طول المعرفة وتوثيق الكتاب
والصديق الكفو عده كما السيف الشطير =والمقاتل لا غدا السيف بيده ما يهاب
[/poem]
محمد بن لقفص