شفت العليل اللي تعب ما فيه من يلقى دواه=ماله دوا يعني يعيش بعمره الباقي عليل
عليه .. لو جار الزمن والا اكثر أصحابه جفاه=لا للزمن عنده بدل ولا لا صحابه بديل
مثله مثل مركب .. هوى والريح ما تتبع هَوَاه=ان ما غرق .. باعصارها لازم عن الوجهه .. يميل
وترا الشجاع ليا وقع مكسورفي قبضة عداة=يموت بيديهم عزيزا حسن
ولا ينجى ذليل كانت قصيدة عابره مدري حكاية=او وصاة والا رواية مؤلمة والجيل يرويها لجيل
القلب نادى ي الخوي مافية من يسمع نداة=في غربةٍ ما مُرها طرقي ولا عابر سبيل
سمعت لي ذيبٍ عوا اضحك وانا اسمع عوام=لكن تكدر خاطري لحظة اصبح عويل
الذيب جاه اللي كفا والقلب جاه اللي كفاه=والكل منّا ي الخوي لو تثقل حموله يشيل
تدري وانا ادري من قديم الجمر يحرق من وطاه=لا تأمنه يا صاحبي حتى ولو شفته مليل
واللي زرع شوك الندم لا يزعل ليامن جناه=واللي يبي يجني بلح يرقى على جذوع النخيل
والكلمة اللي بدلت مرارة الصبر لحلاه =راحً الكثير من الشقا ماياقيٍ غير القليل
خل الأمل يرسم لنا صورة جميلة للحياة=رغم الالم رغم العنا والهم والحمل الثقيل
حتى الرجل لأمن دنا يومه وقصرت به خطاه =شف كيف تعطيه الأمل كلمة بعد عمرٍ طويل
كن الفرح في ناظره والحزن في بسمة شفاه=أنقى من دموع الفرح وأقسى من دموع الرحيل
جرحٍ كتبته في ورق يمكن يحسّه من قراه=يلقى به احساسٍ نبيل يحرك احساس النبيل
[/poem]
نايف كسار الجزاع