العذر يا أمن الطرق فأم الجماجم=الشايب لحاله خذته الهواجيس
وادوا به الهاجوس دوي المهاجم=لاصيح الجمهور هاجم بلا قيس
والناس تربه والمراجل مناجم=ومن جنبوا درب المراجل مفاليس
احد من الناموس يارد على جم=واحد حباله ماتنوش النواميس
راس بلا نوماس يحتاج حاجم=عسى الحجامه فيه تحيي الاحاسيس
الافعال تحفظ للاوادم تراجم=تطبع وتقرى من سطور القواميس
ولسانك حصانك ويحتاج لاجم=ومن كثر هرجه نقده فالفواعيس
والهون مثل ابليس يحتاج راجم=ومن لايدوس الراي من قبل ماديس
حصل ماسجل في بطون المعاجم=كلام شيخ في القسى يرخي الكيس
اللاش لاعشى عطاك البراجم=والكفو لاعشى عطاك النسانيس
بعض العرب قلد طبوع الاعاجم=واخذبه الشيطان عشرة مراويس
طبع من التقليد والجهل ناجم=وغرد مع دنياك ياذر عتريس
والفكر ياثر في عروق الجماجم=واعوذ بالله من طواريك يابليس[/poem]
الشاعر : محسن بن فالح الدوسري