الرأي - مضواح بن شتوي - الرياض
تعال وين انت ساري تونا بدري
صاحبك دكتور في جو الرومنسيه
****
اسكن بقلبي ومن دونك قفص صدري
ادفيك لا هب برد المربعانيه
****
هاذا مكان الحنان ان كان ماتدري
ماكل صدر ن تحصل فيه حنيه
****
ذبحتني بالدلع وبطرفك الخدري
تجرح وتذبح بلا رحمه وماويه
****
ياصافي الذوق لاتسقيني الكدري
انا دخيلك تجمل واحسن النيه
****
من قال لي عنك حاجه قلت له مدري
ونا معك حالتي ماهي طبيعيه
****
الناس يذبحهم الطاعون والجدري
وانا ذبحني غرامك لعنبو حيه
****
محمد بن سحمي ابو قحطان
التعليقات 1
1 pings
0503731506
19/02/2016 في 7:42 ص[3] رابط التعليق
صح لسانك
(0)
(0)