يا معاتبتني وانا مدة غيابي شهر
الطير لا هدّ مايترك من الزاد سور
••••
لا تحسبين الغياب اسباب قلّة شعر
عندي من الشعر مايروي جفاف الصدور
••••
انا الغريب الوحيد اللي بيوته بكر
وانا العدو اللدود لْـ مايسمى الغرور
••••
وانا الغياب المريب اللي ليا من حضر
يصنع من الصمت صوت ويستحل الحضور
••••
واكبر مثل كل ما اكتب فيك مطلع شطر
احس لك نبض والمـح لك من البعد نور
••••
واحرك الاكسجين اللي بصدر خدر
ويثور لك كل شي ً يستحق الظهور
••••
على كثر ما أحبك صرت احبك كثر
ماكنت احبك وعديها شهور ودهور
••••
تربعي في بلادٍ قبل اعرفك قفر
قفرٍ من الناس طول الوقت ماهيب بور
••••
دونك من الصدر نبض ودم قلب وقدر
وخلفك من الصدر مايفحم طوال الشبور
••••
في منهج العشق ما لْـ مضيّع الود امر
وفي منهج الشعر ما لْـ مضيّع الدرب دور
••••
وانتي ملامحك تغريده وصحة نظر
وعيونك آمال وانفاسك منصة عطور
••••
رشي على صدري اللي تسكنينه عطر
خلي بقايا قصيدي فيه تنبت زهور
••••
شعر / ضيف الله السميري
08/04/2018 7:48 م
“يامعاتبني” قصيدة للشاعر ضيف الله السميري
الرأي - أمل الشمري
الرأي - أمل الشمري
(0)(0)
وصلة دائمة لهذا المحتوى : https://alraynews.net/6397177.htm