الرأي - أمل الشمري  

نصيتلي ربع ٍ تحب السواليف
وسلوى لياليهم بقلبٍ شغوفي
••••
وأجمل لياليهم تنادي مواليف
قمره وروح الناس تنشي الحروفي
••••
ناسٍ عزيزه عاليه بالمواصيف
فيها شموخ النخل منها تحوفي
••••
من طيبهم معروف ما به تكاليف
والقلب شرحه يا هلا للضيوفي
••••
ولأجل اللقا يزدان ياهم مطاريف
في مجلس ٍ ترضيه كل الظروفي
••••
ربع الأنس ما كسروا للمجاديف
والليل يحتاج المخاليق توفي
••••
والحق في روح الونس هم مشاريف
ما ضيعوا بالوقت فرصه تطوفي
••••
والوقت لو يحلى يجيب التحاسيف
ولأجل الوناسه كل فردٍ حسوفي
••••
فيهم بساطه ما اقول المحاليف
والزين فيهم ما عنتهم كلوفي
••••
وأختامها بالعشر ناسٍ مكاتيف
وان كان ما بصّمت قلت الحلوفي
••••
هم قدوتي في لون حرفي تعاريف
‫وكل المعاني من أحاسيس جوفي‬
••••
‫لو كذبوني ما نطقت التحاريف‬
ومن عرف نهجي قال هذا هفوفي
••••
الشاعر: سامي أحمد الدحيلان