شعاع النور سمّيتك ولايق لك شعاع الــنــــور
عذاب وحسنك الراهي يلخبـط كامل اوراقي
•••
بدون شعور حبيتك .. كـذا مدري بدون شعور
ابيك..شلون مدري كيف اعبّر لك عن اشواقي؟
•••
كتبت الك القصيد اللي جذب له فالبشر جمهور
رضاك ولمـسـة يـــدينك تســـاوي كــل عشّاقـي
•••
احبـك والمحـبـه صادقــه ماهــي محــبـــة زور
ليا منّي عشقت اعشق من اقصاي ومن اعماقي
•••
انا ماني بحمــدونه اذا منّي يجــيـك قصـــور
عسى الله لا يعافيني اذا خــالــفــت ميثــاقي
•••
حبيبي كيف ماتبرى جروحي وانت لي دكتور؟
حبيبي كيـف ما تــذبـــــل ورودٍ مـالهــا ساقي؟
•••
حبيبي كيف تتغلا؟ ولك صرح الغــلا معمــور!
تغيب أو ماتغيب آبشـرك صــرح الغلا بـــــاقي
•••
طلبتك ترفق بقلبٍ عشانك منهي ومــــامــور
تروّقني على صوتك ونغمة حسّك الــــراقــي
•••
الشاعرة : حمدونه الحارثي
التعليقات 1
1 ping
فهد
15/06/2020 في 6:14 ص[3] رابط التعليق
ماشاء الله ابداع وإحساس ومشاعر راقيه وفقك الله وزادك من فضله
(ان ماني بحمدونه اذا مني يجيك قصور)
بيض الله وجهك ما منك قصور الا كفيتي ووافيتي وجمل الله حالك بهذه القصيدة الجميلة والرائعة جداا
وصح الله السانك واعتلى شانك
(0)
(1)