الرأي - الرياض
ياللي جهلت الطيب ومزارق الطيب
والجية اللي ماعرفنا هدفها
••
تكرم شواربنا عن النقص والعيب
وعن هرجة عوجاً سمعنا طرفها
••
تبقى روابعنا على شُمّخ النيب
وصاة عودٍ عايشٍ في كنفها
••
مالي ورا عوج النوايا مكاسيب
أصد عنها مير ربي كشفها
••
نبعد عن الشكة ولا نقرب الريب
نقطف زهر والشوك غيري قطفها
••
خذيت من دنياي درس وتجاريب
دنياً عجيبة عند ربي خلفها
••
أخاطب العالم بحكمة وترتيب
وبكلمةٍسبحان ربٍ وصفها
••
مثلي يداري سمعته والمواجيب
وبعض الاوادم زلّها ماعرفها
••
مالي على المقْفِي لزوم ومطاليب
مثل السراب اللي يغرك قنفها
••
#سعيد بن سعد بن عمر
التعليقات 3
3 pings
سفر بن سيف آل عادي
02/08/2018 في 4:06 م[3] رابط التعليق
السلام عليكم ورحمة الله وبركاته
صح لسانك يابو سعد
(0)
(0)
علي ابن محمد العبيدي
05/08/2018 في 2:20 م[3] رابط التعليق
صح لسانك واعتلى شانك
(0)
(0)
مفلح ال عمر
12/08/2018 في 10:08 ص[3] رابط التعليق
صح لسانك يايو ناصر
(0)
(0)